हिमायतनगर : ‘हिमायतनगर मतदारसंघातील सर्व शिवसैनिकांनी एकत्र येऊन पक्षवाढीसाठी काम करावे. नवे-जुने असा भेद न करता सर्वांनी एकजुटीने कार्य करावे,’ असे आवाहन हदगाव-हिमायतनगर तालुक्याचे आमदार नागेश पाटील-आष्टीकर यांनी केले.
आमदार पाटील यांनी १० ऑक्टोबर २०१८ रोजी घटस्थापनेच्या मुहूर्तावर हिमायतनगर शहरात विविध ठिकाणी एक कोटी तीन लाख रुपयांच्या विकासकामांचे भूमिपूजन केले. या वेळी हिमायतनगर शहरातील काँग्रेसचे सुनील चव्हाण व युवा मोर्चाचे अनिल नाईल यांनी शिवसेनेत प्रवेश केला.
या वेळी ज्येष्ठ नागरिक लक्ष्मण शक्करगे, नगराध्यक्ष कुणाल राठोड, उपनगराध्यक्ष मो. जावेद भैया, मुख्याधिकारी नितीन बागुल, रामभाऊ ठाकरे, अन्वर खान पठाण, सदाशिव सातव, प्रभाकर अण्णा मुधोळकर, जनसेवक सरदार खान पठाण, सावन डाके, विनायक मेंडके, विठ्ठल ठाकरे, जफर लाला, विलास वानखेडे, तालुका संघटक संजय काईतवाड, प्रकाश रामदिनवार, रामू नरवाडे, गजानन पाळजकर, सुनील चव्हाण, अनिल नाईल, बंडूभाऊ अनगुलवार, योगेश चिल्कावार, मंगेश धुमाळे, सालीम भैय्या शेवाळकर, दीपक कात्रे, अमोल धुमाळे, कल्याणसिंग ठाकूर, हिमायतनगर शहरातील सार्वजनिक शिवजयंती महोत्सवाचे कार्यकर्ते, नगर पंचायतीचे कर्मचारी आणि गावकरी उपस्थित होते.
आमदार नागेश पाटील-आष्टीकर यांनी हिमायतनगर शहरातील परमेश्वर मंदिर कमानीजवळ नगर पंचायतीने परवानगी दिलेल्या जागेवर छत्रपती शिवाजी महाराज चौकाच्या फलकाचे अनावरण केले. पुढे या हायवेवर नगर पंचायतीची परवानगी घेऊन शिवाजी महाराजांचा पुतळा उभारणार असल्याचे त्यांनी या वेळी सांगितले.